Áhersla er lögð á stöðugar umbætur og eftirfylgni sem nær til allrar starfseminnar með skilvirkni ferla að markmiði.
Unnið var að því að nýta rafræn kerfi betur í þeim tilgangi að ná heildaryfirsýn yfir verkefnin en þannig getum við betur séð hversu mörg verkefni eru í gangi og metið álag og rými til að bæta skilvirkni og minnka sóun.

Þá var hafin vinna við að ná yfirsýn yfir umbótaverkefni með rafrænni verkefnaskrá í þeim tilgangi að mæla árangur af stærri umbótaverkefnum. Þróaðir voru lifandi mælikvarðar svo hægt væri að fylgjast með í rauntíma og grípa fyrr inn í ef frávik yrðu. Úrgangsstjórnun var betrumbætt með nánari útfærslu, nýjum merkingum og minni sóun. Hertari aðgangsstýringar inn á öryggissvæði voru skilgreind og öryggis- og umhverfisferðir voru farnar með stjórnendum. Upplýsingaöryggi í stafrænum tengivirkjum var greint og sett af stað úrbótaverkefni til að skoða verklag starfsfólks þegar unnið er í stafrænum tengivirkjum.

Jafnframt var unnið að frekar þróun og greiningu á launavinnslu. Umbætur á verklagi voru gerðar á smávörulager til að tryggja betri umgengni starfsfólks um lagerinn og verkefni var sett af stað er snýr að öryggisflokkun og merkingu gagna.